18.02.2026

Мектебімізде оқушылардың ғылыми әлеуетін арттыруға бағытталған «Физикалық тәжірибелер көрмесі» атты байқау жоғары деңгейде өтті. Іс-шараның мақсаты: Оқушылардың физика пәніне деген танымдық қызығушылығын ояту, теориялық білімді практикалық тәжірибе арқылы дәлелдеу және жас зерттеушілердің көпшілік алдында өз жобаларын қорғау дағдыларын қалыптастыру. Көрме барысында: Байқауға қатысушылар физиканың механика, оптика, электродинамика бөлімдері бойынша бірегей тәжірибелерін ұсынды. Оқушылар тек құбылысты көрсетіп қана қоймай, оның ғылыми негіздемесін, формулалар мен заңдылықтар (мысалы, реактивті қозғалыс, Паскаль заңы, электромагниттік индукция) арқылы нақты түсіндіріп берді. Қазылар алқасы тәжірибелердің ғылымилығын, көрнекілігін және жасалу шеберлігін бағалап, үздіктерді анықтады. Барлық қатысушыларға шығармашылық табыс тілейміз! Өткізген: физика пәні мұғалімі: Есимова Т.К.