Ұстаздық еткен жалықпас, Үйретуден балаға!

Құрметті ардагер ұстаздар Сагиева Нурлагаин Жумабаевна,  Гелисханова Наталья Султановна,  Идрисова Кенжетай Тлеугабыловна,  Рахимова Меруерт Ибрагимовна!  

Сіздерді қос мерекемен – Ұстаздар күнімен және Қарттар күнімен шын жүректен құттықтаймыз!

Зейнет жасына жетсеңіздер де, жас ұрпақ тәрбиелеу ісінен қол үзбей, шәкірт жүрегіне білім мен тәрбие дәнін сеуіп келе жатқандарыңыз – Сіздердің өмірлік ұстанымдарыңыздың беріктігін, мамандыққа деген адалдықтарыңызды айқын көрсетеді.

Қарттар күні – Сіздердің ғұмыр жолдарыңызға тағзым етіп, ұрпаққа қалдырған өнегелеріңізге алғыс айту күні. Ал ұстаздар күні – жас ұрпаққа сапалы білім берудегі еңбектеріңізді дәріптейтін күн. Бұл екі мерекенің тоғысуы Сіздердің мәртебелеріңізді одан әрі асқақтата түседі.

Сіздерге зор денсаулық, амандық пен бақ-береке тілейміз. Жүректеріңіз қуанышқа толып, шәкірттеріңіздің жетістігі Сіздерге әрдайым шаттық сыйлай берсін!

Мерекелеріңіз құтты болсын!